Header & Footer: Page 1 of 5, tarix, fayl adı və loqo

Müdir 7 səhifəlik satış hesabatını iclasa aparır, vərəqlər masaya səpələnir və heç kim hansının birinci, hansının sonuncu olduğunu bilmir. Kağızda nə tarix var, nə də fayl adı — bir həftə sonra bu çapın köhnə, yoxsa yeni versiya olduğunu müəyyən etmək mümkün olmur. Bu problemi Header & Footer (səhifənin yuxarı və aşağı kənarında avtomatik təkrarlanan mətn) həll edir.

Əvvəlki dərsdə (L05) başlıq sətrini hər səhifədə təkrarladıq. İndi həmin faylın üzərində işləyirik: L07-baslangic.xlsx = L05 nəticəsi. Excel-də yoxlanıb: 7 səhifə, header və footer boşdur.

Header və footer-də rəqəmləri əl ilə yazmırsınız. Excel xüsusi kod qoyur və çap zamanı onu real dəyərlə əvəz edir. Ən çox lazım olan kodlar:

Page &[Page] of &[Pages] çapda "Page 1 of 8", "Page 2 of 8" kimi görünür. Kodun yanındakı sözləri (Page, of, Çap tarixi:) özünüz yazırsınız, ona görə onları Azərbaycan dilində də yaza bilərsiniz: Səhifə &[Page] / &[Pages].

Bu üsulda header birbaşa səhifənin üzərində yazılır:

1. Insert → Header & Footer basın. Excel Page Layout görünüşünə keçir və lentdə yeni Header & Footer tabı açılır.
2. Header üç hissədən ibarətdir: sol, mərkəz və sağ. Sağ hissəyə klikləyin, "Çap tarixi: " yazın və Current Date basın.
3. Mərkəz hissəyə klikləyib Sheet Name basın.
4. Go to Footer basın. Mərkəzdə "Page " yazın, Page Number basın, " of " yazın, Number of Pages basın.
5. Footer-in sol hissəsində File Name basın, sağ hissəyə "Məxfi — yalnız daxili istifadə" yazın.
6. Cədvəlin istənilən xanasına klikləyin — kodlar real dəyərlərə çevrilir.

Header və footer yalnız Page Layout görünüşündə və çapda görünür, Normal görünüşdə görünmür. Geri qayıtmaq üçün View → Normal basın.

Hazır variant seçmək və ya hər üç hissəni bir pəncərədə doldurmaq üçün:

1. Alt+P, S, P basın və Header/Footer tabını açın.
2. Footer siyahısından hazır Page 1 of ? variantını seçin — bu, ən sürətli yoldur.
3. Daha çoxu lazımdırsa, Custom Header… basın və Left section, Center section, Right section sahələrini doldurun. Kodları dialoqdakı düymələrlə əlavə edin: Insert Page Number, Insert Date, Insert File Name, Insert Sheet Name və s.
4. Vərəq adını qalın etmək üçün kodu seçin, Format Text basın və Bold seçin.
5. OK basın və nəticəni dialoqun önizləmə zolağında yoxlayın.

1. Header-in sol hissəsini açın: Page Layout görünüşündə klikləyin və ya Custom Header… → Left section.
2. Picture (dialoqda Insert Picture) basın və loqo faylını kompüterdən seçin. Sahədə yalnız &[Picture] kodu görünür — bu normaldır.
3. Format Picture basın və Size tabında Height (hündürlük) dəyərini kiçildin ki, loqo header zolağına sığsın.
4. Loqo cədvəlin üstünə düşürsə, yuxarı kənarı böyüdün: Page Layout → Margins → Custom Margins… → Top: 2,54 sm (düymlə göstərilirsə 1").

Hesabatın birinci səhifəsində böyük başlıq varsa, header-in orada təkrarlanması lazım olmaya bilər. Header & Footer tabında Different First Page (Page Setup-da Different first page) işarəsini qoyun — birinci səhifə üçün ayrıca header/footer yazın və ya boş saxlayın. Different Odd & Even Pages ikitərəfli çapda tək və cüt səhifələrə fərqli header verir. Scale with Document işarəlidirsə, header/footer şrifti səhifənin miqyası ilə birlikdə kiçilir.